ఊటబావి మనసు

                                           

                                                                                రాధ మండువ

నిర్జన నదీతీర

ఒంటరి కుటీరానికి

వెళ్ళాలని ఉంది

ఊహాజగత్తులో రమ్యహర్మా్యలను

నిర్మించాలని కాదు

దూర తీరాలతో

నాకు నిమిత్తమూ లేదు

నాలోని అస్తవ్యస్త భావాలన్నింటినీ

ఒకచోట చేర్చి చూసుకోడానికీ

నాలో ఉన్న ఎత్తు పల్లాలను

చదును చేసుకోవడానికీ

మీద పడుతున్న దాహపు కోరికల

అలల తీరాన్ని కనుగొనడానికీ

వెళ్ళాలి -

ఒక్కసారి ఆగి

నన్ను నేను

సంభాళించుకోవాలి

సాంత్వన పొందాలి

కాని అదేమిటో…

బంధాల అనుబంధాల చటా్రల్లో

భ్రాంతుల వలయాల్లో

గతకాలపు జ్ఞాపకాల్లో చిక్కుకుని

చేసిన తప్పుల్నే మళ్ళీ మళ్ళీ చేస్తూ

ఇక్కడిక్కడే ఊరుతోంది

ఊటబావి మనసు

***